ಬಾಂಧವ್ಯದ ಸೃಷ್ಟಿ

ಬದುಕಬೇಕು ಜೊತೆಗೆ

ಉಸಿರು ಇರುವ ವರೆಗೆ

ಆ ಉಸಿರೇ ನಮ್ಮಿಬ್ಬರ ಪ್ರೀತಿಯಾಗಿ

ಕೊನೆಯ ತನಕವೂ ಬೆಸೆದಿರಬೇಕು

ಸುಮಧುರ ಬಾಂಧವ್ಯವ

ಕಾಯುವ ಪ್ರತೀ ಘಳಿಗೆಯಲ್ಲೂ 

ಇಬ್ಬರ ನಗುವಿರಬೇಕು

ಬದುಕಬೇಕು ಕಣ್ಣಲ್ಲಿ ಕಣ್ಣಾಗಿ

ಮನದಲ್ಲಿ ಮನವಾಗಿ 

ನಂಬಿಕೆ ಭರವಸೆಯೆಲ್ಲವೂ

ಹರಿಯುತ್ತಿರಬೇಕು

ಪ್ರತೀ ಕ್ಷಣದಲ್ಲೂ

ನನ್ನ ಭಾವನೆಯ ಜಗತ್ತು

ನೀನೆಂದೂ ಆಗಿ

ನಿನ್ನ ಭಾವನೆಯ ಜಗತ್ತು

 ನಾನೆಂದು ಆಗಿ

ಎಂದೆಂದು ಇರಬೇಕು ಜೊತೆಜೊತೆಯಲಿ

ನಲುಮೆಯ ಜಗದ ಒಡೆಯ

ಎಂದೂ ನೀನಾಗಿರಬೇಕು

ನಿನ್ನ ಹೃದಯದಲಿ ನನ್ನ ಪ್ರೀತಿಯ ಸೃಷ್ಟಿ

ನನ್ನ ಹೃದಯದಲಿ ನಿನ್ನ ಪ್ರೀತಿಯ ಸೃಷ್ಟಿ

ಎರಡು ಹೃದಯ ಬಡಿತವು ಒಂದು

ಕೈ ಹಿಡಿದು ಸಾಗಬೇಕು

ಕೊನೆಯತನಕವೂ ಎಂದೆಂದು