ಬಣ್ಣವಾಗಿ ಜೀವ ತುಂಬುವೆಯಾ
ನನ್ನ ಮದರಂಗಿ ಚಿತ್ರಕೆ..
ಬೆಳಗಿನ ಕನಸಿನಲಿ ಬಂದು ತಟ್ಟಿ
ಎಬ್ಬಿಸಿ ಪ್ರೀತಿಯಿಂದ ಕರೆಯುವೆಯಾ...
ಮುಸ್ಸಂಜೆಯ ತಂಗಾಳಿಯಲಿ ಬೆಚ್ಚನೆಯ
ಕನಸುಗಳನು ನನ್ನಲ್ಲಿ ಕಾಣುವೆಯಾ..
ಜನುಮ ದಿನದಂದು ಶುಭಾಶಯ ತಿಳಿಸುವ ಮೊದಲಿಗ
ನೀನಾಗುವೆಯಾ...
ಹೊಳೆಯುವ ಉಂಗುರದ ಶುಭ್ರ
ಹರಳು ನೀನಾಗುವೆಯಾ...
ತುಟಿಯಂಚಿನಲ್ಲಿ ಬರುವ ನಗುವಿನ
ಸೌಧವಾಗುವೆಯಾ..
ಅತ್ತಾಗ ಒಲವಿನ ಲೋಕಕ್ಕೆ ಕರೆದೊಯ್ದು
ಸಾಂತ್ವನ ಹೇಳುವೆಯಾ..
ಬಚ್ಚಿಟ್ಟ ಆಸೆಗಳಿಗೆ ಸೂತ್ರವನು ಕಟ್ಟಿ
ಆಗಸದೆತ್ತರಕೆ ಹಾರಿಸುವೆಯಾ..
ನನ್ನ ಪಾಲಿಗೆ ಎಲ್ಲವೂ ನೀನೇ
ಆಗುವೆಯೆಂದು...??
